ANFANIN ILMI AIKI DASHI

AMFANIN ILIMI AIKI DA SHI
--------------- --------------- --------------- --------------- --------------- --------------- --------------- --------------- ------ Mallam Ibn Kayyum yace: Abubuwa
goma basu da amfani,
Na daya ilmin da baa aiki dashi,
Na biyu aikin da ba ayishi saboda
Allah ba, kuma baa kan sunnar
Annabi saw ba, .
Na uku dukiyar da ba a ciyar da ita ba,
mai ita bai amfana da ita a duniya ba
kuma baiyi aikin lahira da itaba,
.
Na hudu da zuciyar da babu kaunar Allah a cikin ta da shaukin haduwa
dashi da nutsuwa dashi.
Na biyar da gangar jikin da baa
sarrafashi wajen biyayya ga Allah ba
da yiwa addinin sa hidma,
Na shida da soyayyar da bata ginu ba, akan neman yardar wanda ake so, da
yi masa biyayya ba.
Na bakwai da lokacin da akayi
hasararsa wajen rashin amfani dashi
domin gyara abinda akayi sakacin
yinsa a baya ko aikata biyayya da nagarta.
.
Na takwas da tunani cikin abinda
bashi da amfani
Na tara da yin hidma ga mutumin da yi
masa hidma, ba zata kusantaka ga Allah ba, ko amfanin duniya
.
Na goma da nuna kwadayinka ko
tsoranka ga wanda shima ragamar sa
tana wajen Allah, sai yadda yayi dashi,
bashi da ikon tunkudewa kansa cuta ko jawowa kansa amfani ko mutuwa
ko rayuwa ko tashi bayan mutuwa.
.
Allah kasa muyi kyawawan aiki, da
kyawawan karshe, da kyakkyawan
sakamako...,